KAANI FILM SOCIETY കാണി ഫിലിം സൊസൈറ്റി

കാണി ചലച്ചിത്രോത്സവം-2011:കൂടുതല്‍ ചിത്രങ്ങള്‍

2011-12-04T19:05:00.001+05:30

കാണി ചലച്ചിത്രോത്സവം-ഒന്നാം ദിവസം:ഉദ്ഘാടനം

രണ്ടാം ദിവസം:സെമിനാര്‍-
മലയാളസിനിമയിലെ സമകാലിക പ്രവണതകള്‍

മൂന്നാം ദിവസം-

സമാപന സമ്മേളനം

അനുസ്മരണ സമ്മേളനം,ചിത്രപ്രദര്‍ശനം,സന്തൂര്‍ കച്ചേരി

2011-09-08T08:44:00.000+05:30

2011ആഗസ്ത് 13,14 തിയ്യതികളിലായി നടന്ന അനുസ്മരണ സമ്മേളനം,ചിത്രപ്രദര്‍ശനം,സന്തൂര്‍ കച്ചേരി...കൂടുതല്‍ ചിത്രങ്ങള്‍

കാട്ടുകുയില്‍

2010-06-15T22:00:00.003+05:30

കാണി ഫിലിം സൊസൈറ്റിയുടെ ആഭിമുഖ്യത്തില്‍ നടത്തിയ തിരക്കഥാ മത്സരത്തില്‍ ഒന്നാംസമ്മാനാര്‍ഹമായത്.

മറാട്ട്.എല്‍.ടി

സീന്‍ ഒന്ന്‌

കാട്‌/കുയില്‍
പകല്‍
ഒരു പാട്‌ മരങ്ങള്‍ ഇടതൂര്‍ന്നു നില്‍ക്കുന്ന കാട്ടുപ്രദേശം. കാറ്റിലിളകുന്ന മരച്ചില്ലകള്‍. തൂരെ ഏതോ മരച്ചില്ലയില്‍ നിന്നും കേള്‍ക്കുന്ന കുയിലിന്റെ ശബ്‌ദം.
കൂ... കൂ....
റൈറ്റില്‍ - കാട്ടുകുയില്‍
cut to
മരച്ചില്ലയില്‍ നിന്ന്‌ ക്യാമറ പതിയെ താഴേക്ക്‌. പശ്ചാത്തലത്തില്‍ കുയിലിന്റെ
കൂകല്‍. പനയോലകൊണ്ട്‌ മേഞ്ഞ കുടിലിന്റെ പിന്‍വശം ദൃശ്യമാകുന്നു. കുയിലിന്റെ
കൂകലിന്‌ മറുപടിയായി ആണ്‍കുട്ടിയുടെ നീട്ടിയുള്ള കൂവല്‍ ഇപ്പോള്‍ കേള്‍ക്കാം.
മരത്തിനു ചുവട്ടിലിരിക്കുന്ന ആണ്‍കുട്ടി. ഇറുഭാഗത്തുനിന്നും കൂകല്‍ തുടരുന്നു. തീ
കൂട്ടിയിട്ട്‌ ചക്കപ്പഴത്തിന്റെ കുരു ചുടുകയാണ്‌ കുട്ടി. നിക്കറുമാത്രമാണ്‌ വേഷം.
അരികിലായി ഇലയില്‍, ചുട്ട കുരുക്കള്‍ എടുത്ത്‌ വെച്ചിട്ടുണ്ട്‌. വീടിനുള്ളില്‍ നിന്ന്‌ അമ്മയുടെ ശബ്‌ദം (വിളി)
- കുയിലേ... കുയിലേ....
കുയില്‍ (കുട്ടി) അമ്മയുടെ വിളികേട്ട്‌ ശേഷിച്ച കുരുക്കള്‍ ഒരു കമ്പ്‌കൊണ്ട്‌ തീയില്‍ നിന്നും എടുത്ത്‌ ഇലയില്‍ പൊതിഞ്ഞ്‌ എണീക്കുന്നു. മരത്തിനു മുകളിലേക്ക്‌ നോക്കി ഒരിക്കല്‍ കൂടി നീട്ടി കൂകിക്കൊണ്ട്‌, മരത്തിലിരിക്കുന്ന കുയിലിനോടെന്നപോലെ,
കുയില്‍ കുറുമ്പീ.. ഞാന്‍ പോണു. (കാറ്റിലിളകുന്ന മരച്ചില്ലകള്‍)
രൗ േീേ
സീന്‍ രണ്ട്‌
കുടില്‍/അകം
പകല്‍
മരച്ചില്ലയില്‍ നിന്ന്‌ ക്യാമറ ജനലവികളിലൂടെ അകത്തെ മുറിയിലേക്ക്‌ (ദീീാ ീൗ)േ.
കട്ടിലില്‍ പുതച്ച്‌ മൂടി കിടക്കുന്ന കുയിലിന്റെ അമ്മ. കട്ടിലിനരികില്‍ വെള്ളം നിറച്ച മണ്‍പാത്രം ഇരിപ്പുണ്ട്‌. നെറ്രിയില്‍ പച്ചില മരുന്നുകള്‍ തേച്ചിരിക്കുന്നു. ക്ഷീണിച്ച മഖം. മുറിയുടെ മൂലയില്‍ കൊടികള്‍ ചാരിവെച്ചിരിക്കുന്നു.കുയില്‍ പിന്‍വശത്തെ വാതിലില്‍ കൂടി കടന്നുവരുന്നു. ഇലയില്‍ പൊതിഞ്ഞത്‌ അമ്മയ്‌ക്കരികില്‍ വെച്ചിട്ട്‌ അടുത്തിരിക്കുന്ന ചെറിയ കിണ്മം കൈയിലെടുക്കുന്നു.
അതില്‍ നെറ്റിയിലിടാനുള്ള പച്ചില മരുന്നാണ്‌. കുയില്‍ കട്ടിലില്‍ ഇരുന്ന്‌ കിണ്ണത്തില്‍ നിന്നും മരുന്നെടുത്ത്‌ അമ്മയുടെ നെറ്റിയിലിടാന്‍ തുടങ്ങുന്നു.
അമ്മ - നീ എവ്‌ടാരുന്നു കുയിലേ..?
കുയില്‍-ഞാന്‍ പൊറത്തുണ്ടാരുന്നല്ലോ. അമ്മയ്‌ക്ക്‌ വെശക്കണില്ലേ..?
അമ്മ - ഇല്ല കുയിലേ.
കുയില്‍ കിണ്ണം താഴത്തുവെച്ച്‌ ഇലയില്‍ പൊതിഞ്ഞത്‌ തുറക്കുന്നു.കുയില്‍-അമ്മ ഇത്‌ കയിക്ക്‌. കുയില്‍ ചുട്ടതാ. കുയില്‍ അമ്മയ്‌ക്ക്‌ നേരെ പൊതി നീട്ടുന്നു.
അമ്മ - നീ കയിച്ചോ.. എനിക്കിപ്പോ വേണ്ട.
കുയില്‍-കുയിലിനറിയാം. അമ്മയ്‌ക്ക്‌ വെശക്കണ്‌ണ്ട്‌. കുയില്‍ മണ്‍പാത്രത്തില്‍ നിന്നും വെള്ളം ഒരു ഗ്ലാസിലേക്ക്‌ പകര്‍ന്നുകൊണ്ട്‌ തുടരുന്നു.
കുയില്‍-രണ്ട്‌ ദിവസമായില്ലേ കഞ്ഞീന്റെ വെള്ളേലും കുടിച്ചിട്ട്‌. സാരംല്ല. ഇന്ന്‌ തിങ്കളാഴ്‌ചയാ. കുയില്‍ സ്‌കൂളില്‌ പോകണുണ്ട്‌.
(വെള്ളം കുടിക്കാന്‍ അമ്മയെ സഹായിച്ചുകൊണ്ട്‌)
... കഞ്ഞീം വാങ്ങഇ പെട്ടെന്നു വരാം. വന്നിട്ട്‌ ഒരുമിച്ച്‌ കഞ്ഞികുടിക്കാം. കുയിലിന്റെ വയറും കൊറേശ്ശെ കത്തണ്‌ണ്ട്‌. അമ്മ ഇപ്പോ ഇത്‌ തിന്ന്‌.
അമ്മ - നീ കഴിക്ക്‌ കുയിലേ. അമ്മയ്‌ക്കിപ്പോ വേണ്ട.
കുയില്‍- കുയിലിന്‌ വെശക്ക്‌ണ്‌ണ്ട്‌ന്ന്‌ പറഞ്ഞോണ്ടാണോ. കുയിലിന്‌ വഴീല്‌ പേരയുണ്ട്‌, മാവ്‌ണ്ട്‌. ഞാന്‍ അതൊക്കെ കയിച്ചോളാം. അമ്മയ്‌ക്കതു പറ്റില്ലല്ലോ. ഇപ്പോ ഇത്‌ കയിച്ചേ പറ്റൂ. അല്ലേല്‍ കുയിലിന്‌ വെഷമാവും... (വിഷമിക്കുന്നു).
അമ്മ - എങ്കില്‌ നീ അതവിടെങ്ങാനും വെച്ചേക്ക്‌. ഞാന്‍ പിന്നെ കഴിച്ചോളാം.
കുയില്‍- ഉറപ്പാണോ..?
അമ്മ- എന്റെ കുയിലാണെ സത്യം
കുയിലിന്റെ മുഖത്ത്‌ സന്തോഷം. പുറത്ത്‌ മരത്തിലിരിക്കുന്ന കുയിലിന്റെ കൂകല്‍ അവന്‍ ശ്രദ്ധിക്കുന്നു. കൂകല്‍ കേട്ട വശത്തേക്ക്‌ നോക്കി അവനുംകൂവുന്നു.
കുയില്‍-അവനും വെശക്കണ്‌ണ്ടാകും അല്ലേ അമ്മേ?
അമ്മയുടെ വിഷമം നിറഞ്ഞ മുഖം.
കുയില്‍ തിരിഞ്ഞ്‌ അമ്മയെ നോക്കി.
കുയില്‍-എന്നാണമ്മേ നമ്മുടെ വെശപ്പ്‌ മാറുക?
അമ്മ (വിഷയം മാറ്റുന്നപോലെ)-നീ സ്‌കൂളില്‍ പോകാന്‍ നോക്ക്‌ കുയിലേ.
കുയില്‍ അയയില്‍ കിടക്കുന്ന ഉടുപ്പെടുത്തിടുന്നു. അടുക്കലയില്‍ പോയിചോറ്റുപാത്രവുമായി വരുന്നു. ബുക്ക്‌ എടുക്കുന്നു.
കുയില്‍-അമ്മ ഇതെടുത്ത്‌ കഴിക്കണേ. സത്യം ചെയ്‌തതാ. അമ്മ ഒന്നുറങ്ങിക്കോ.
ഉണരുമ്പോഴേക്കും കുയില്‍ എത്തും.
അമ്മ-നോക്കി പോളെ കുയിലേ.
കുയില്‍ പുറത്തേക്കിറങ്ങുന്നു. ഇലയിലിരിക്കുന്ന കുരു പൊള്ളിച്ചത്‌ പശ്ചാത്തലത്തില്‍ ദൃശ്യമാകുന്നു.
സീന്‍ മൂന്ന്‌
കാട്ടുവഴി
പകല്‍
ഒരു അപ്പൂപ്പന്‍താടി കാറ്റില്‍ പറന്നുവരുന്നു. നടന്നുവരുന്ന കുയിലിന്റെ കൈയില്‍
വന്നിരിക്കുന്നു. മരക്കൊമ്പിലിരിക്കുന്ന്‌ കൂകുന്ന കുയില്‍.
കുയില്‍ (ഉറക്കെ കൂകിക്കൊണ്ട്‌)- കുയിലമ്മേ... കുരുമ്പീ... കുയില്‍
അപ്പൂപ്പന്‍താടിയെ ഊതി പറത്ത്‌ വിടുന്നു. അഅപ്പോള്‍ ചുറ്റും നിന്ന്‌ നിറയെ അപ്പൂപ്പന്‍താടികള്‍ വന്നു നിറയുന്നു. വീണ്ടും കേള്‍ക്കുന്ന കൂകല്‍. കുയിലും തിരിച്ച്‌ കൂവുന്നു.
(song)
(കുയിലും കാടും)
``കുയിലമ്മേ ചങ്ങാതീ
കൂകി നടക്കും ശിങ്കാരി
ഇത്തിരി നേരം ഒത്തു കളിക്കാന്‍
കൂട്ടിനു പോരാമോ?
ചക്കരമാവിന്‍ തണലത്ത്‌
കൂടെയിരിക്കാമോ? എന്നുടെ-
കൂട്ടിനിരിക്കാമോ..?
കാട്ടാറിന്‍ തീരത്തെ വണ്ണാത്തിപ്പുള്ള്‌
ചാടി ചാടി രസിക്കണ പച്ചപ്പുല്‍ച്ചാടി
പുള്ളിയുടുപ്പിട്ട പൂമ്പാറ്റക്കൂട്ടം
പിന്നൊരു അണ്ണാറക്കണ്ണന്‍.
കൂട്ടരെ വന്നോളൂ മാവിന്‍ ചോട്ടില്‍
കുയിലമ്മ പറയണ കഥ കേള്‍ക്കാന്‍.
കുയിലമ്മേ ചങ്ങാതി
കൂകി നടക്കും ശിങ്കാരി
ഇത്തിരിനേരം ഒത്തുകളിക്കാന്‍
കൂട്ടിനുപോരാമോ...''
സീന്‍ നാല്‌
വഴിയമ്പലം
പകല്‍
വഴിയരികിലായി കല്ല്‌ കൊണ്ടുള്ള ചെറിയ പ്രതിഷ്‌ഠ. കുയില്‍ അതിനു മുന്നില്‍ കൈകൂപ്പി പ്രാര്‍ത്ഥിക്കുന്നു.
കുയില്‍-മലദൈവമേ.. എന്റെ അമ്മയുടെ സൂക്കേട്‌ ഭേതമാക്കണേ.. എന്റെ നാടിന്‌ നല്ലത്‌ വരുത്തണേ.. പ്രതിഷ്‌ഠക്കരികിലിരിക്കുന്ന കിളവി കുയില്‍ പറഞ്ഞതെല്ലാം ശ്രദ്ധിച്ചുകൊണ്ട്‌.
കിളവി-എത്ര വിളിച്ചിട്ടും കരഞ്ഞിട്ടും ഒരു കാര്യോം ഇല്ല. മലദൈവമൊക്കെ ഉണ്ടായിരുന്നേല്‍ എന്നേ കനിഞ്ഞേനെ. അല്ലേല്‍ മലദൈവത്തിന്‌ നമ്മെ നോക്കാന്‍ നേരംല്ല. നാട്‌ മുടിഞ്ഞു. ഇന്നല്ലെങ്കില്‍ നാളെ നമുക്കീഅപ്പോള്‍ ചുറ്റും നിന്ന്‌ നിറയെ
അപ്പൂപ്പന്‍താടികള്‍ വന്നു നിറയുന്നു. വീണ്ടും കേള്‍ക്കുന്ന കൂകല്‍. കുയിലും തിരിച്ച്‌ കൂവുന്നു.
(song)
(കുയിലും കാടും)
``കുയിലമ്മേ ചങ്ങാതീ
കൂകി നടക്കും ശിങ്കാരി
ഇത്തിരി നേരം ഒത്തു കളിക്കാന്‍
കൂട്ടിനു പോരാമോ?
ചക്കരമാവിന്‍ തണലത്ത്‌
കൂടെയിരിക്കാമോ? എന്നുടെ-
കൂട്ടിനിരിക്കാമോ..?
കാട്ടാറിന്‍ തീരത്തെ വണ്ണാത്തിപ്പുള്ള്‌
ചാടി ചാടി രസിക്കണ പച്ചപ്പുല്‍ച്ചാടി
പുള്ളിയുടുപ്പിട്ട പൂമ്പാറ്റക്കൂട്ടം
പിന്നൊരു അണ്ണാറക്കണ്ണന്‍.
കൂട്ടരെ വന്നോളൂ മാവിന്‍ ചോട്ടില്‍
കുയിലമ്മ പറയണ കഥ കേള്‍ക്കാന്‍.
കുയിലമ്മേ ചങ്ങാതി
കൂകി നടക്കും ശിങ്കാരി
ഇത്തിരിനേരം ഒത്തുകളിക്കാന്‍
കൂട്ടിനുപോരാമോ...''
സീന്‍ നാല്‌
വഴിയമ്പലം
പകല്‍
വഴിയരികിലായി കല്ല്‌ കൊണ്ടുള്ള ചെറിയ പ്രതിഷ്‌ഠ. കുയില്‍ അതിനു മുന്നില്‍ കൈകൂപ്പി പ്രാര്‍ത്ഥിക്കുന്നു.
കുയില്‍-മലദൈവമേ.. എന്റെ അമ്മയുടെ സൂക്കേട്‌ ഭേതമാക്കണേ.. എന്റെ നാടിന്‌ നല്ലത്‌
വരുത്തണേ.. പ്രതിഷ്‌ഠക്കരികിലിരിക്കുന്ന കിളവി കുയില്‍ പറഞ്ഞതെല്ലാം ശ്രദ്ധിച്ചുകൊണ്ട്‌.
കിളവി-എത്ര വിളിച്ചിട്ടും കരഞ്ഞിട്ടും ഒരു കാര്യോം ഇല്ല. മലദൈവമൊക്കെ ഉണ്ടായിരുന്നേല്‍ എന്നേ കനിഞ്ഞേനെ. അല്ലേല്‍ മലദൈവത്തിന്‌ നമ്മെ നോക്കാന്‍ നേരംല്ല. നാട്‌ മുടിഞ്ഞു. ഇന്നല്ലെങ്കില്‍ നാളെ നമുക്കീവെച്ചോ? ആരെയെങ്കിലും കൊന്നോ? ഇല്ലല്ലോ.. മരിക്കാന്‍ ഞങ്ങള്‍ക്ക്‌ ഭയമില്ല. ഒന്നുകില്‍ അവര്‍ക്ക്‌ ഞങ്ങളെയെല്ലാം വെടിവെച്ചു കൊല്ലാം. അല്ലെങ്കില്‍ ഞങ്ങളുടെ
ഭൂമിതിരിച്ചു തരണം.
അവര്‍ക്കരികിലൂടെ കുയില്‍ നടന്നു മറയുന്നു.
സീന്‍ ആറ്‌
വഴി
പകല്‍
അധികം മരങ്ങളില്ലാത്ത ഒരു പ്രദേശം. നടവഴി. വഴിയരികില്‍ രണ്ട്‌ പോലീസുകാര്‍ നില്‍ക്കുന്നു. നടന്നു വരുന്ന കുയിലിനെകണ്ട്‌.
പോലീസുകാരന്‍ (1) :ഉം എങ്ങോട്ടാടാ ചെറുക്കാ?
കുയില്‍ (ചെറുപേടിയോടെ) സ്‌കൂളില്‍.
പോലീസുകാരന്‍(2) : സ്‌കൂളിലേക്കോ. നീയൊക്കെ പഠിച്ചിട്ട്‌ എന്നാ സാധിക്കാനാടാ..
നിനക്ക്‌ പറ്റിയ പണി ഞാന്‍ തരാം. നീയിങ്ങു വന്നേ.
കുയില്‍ പേടിയോടെ അടുത്തേക്ക്‌ ചെല്ലുന്നു. അയാള്‍ പോക്കറ്റില്‍ നിന്ന്‌ പൈസ
എടുത്ത്‌ കുയിലിന്റെ കൈയില്‍ കൊടുത്തിട്ട്‌,
പോലീസുകാരന്‍ (2) തിരിച്ചു വരുമ്പോള്‍ ഒരു പാക്കറ്റ്‌ സിഗററ്റു കൂടി വാങ്ങി വരണം.
ഉം. പൊയ്‌ക്കോ. കുയില്‍ നടന്നു പോകുന്നു.
പോലീസുകാരന്‍ (1) ഇവനൊക്കെ ഇവിടെതന്നെ ഒതുങ്ങാനാ വിധി.
വിഷമം നിറഞ്ഞ കുയിലിന്റെ മുഖം.
സീന്‍ ഏഴ്‌
മണ്‍പാത
പകല്‍
കുയില്‍ കാടിന്റെ അതിര്‍ത്തി കടന്ന്‌ ദൂരേക്ക്‌ നടന്നു പോകുന്നു.
സീന്‍ എട്ട്‌
റോഡ്‌
പകല്‍
റോഡരികിലെ കല്ലില്‍ കുയില്‍ ക്ഷീണിതനായി ഇരിക്കുന്നു. അവനരികിലൂടെ ലോട്ടറി വില്‍പ്പനക്കാരന്റെ സൈക്കിള്‍ കടന്നുപോകുന്‌#ു. ലോട്ടറി ടിക്കറ്റിന്റെ പരസ്യ വാചകങ്ങള്‍.
രൗ േീേ
കുയില്‍ നടന്നു പോകുന്നു.
സീന്‍ ഒന്‍പത്‌
ജംഗ്‌ഷന്‍
പകല്‍
ചായപ്പീടികയ്‌ക്കരികിലൂടെ കുയില്‍ നടന്നു പോകുന്നു.
സീന്‍ പത്ത്‌
സ്‌കൂള്‍ ഗേറ്റ്‌
പകല്‍
സ്‌കൂള്‍ ഗേറ്റിനരികില്‍ ഐസ്‌ക്രീം ക്‌ച്ചവടക്കാരന്‍ ഇരിക്കുന്നു. കുയില്‍
ഗേറ്റിനരികില്‍ നിന്ന്‌ പതുക്കെ സ്‌കൂളിനകത്തേക്ക്‌ നോക്കുന്നു. കഞ്ഞിപ്പുരയില്‍
നിന്ന്‌ പുകയുയരുന്നത്‌ കാണാം. അത്‌ കണ്ടിട്ട്‌ കുയില്‍ സന്തോഷിക്കുന്നു.
കച്ചവടക്കാരന്‍-ഇന്നും താമസിച്ചു അല്ലേ?
കുയില്‍ (അകത്തേക്കുതന്നെ നോക്കിക്കൊണ്ട്‌) ബെല്ലടിച്ചിട്ട്‌ എത്ര നേരായി?
കച്ചവടക്കാരന്‍ - കൊറേയായി.
കുയില്‍ ഗേറ്റും കടന്ന്‌ അകത്തേക്ക്‌ പോകുന്നു.
രൗ േീേ
സീന്‍ പതിനൊന്ന്‌
സ്‌കൂള്‍ (അകം)
പകല്‍
ക്ലാസുകളില്‍ പഠിപ്പിക്കുന്നത്‌ കേള്‍ക്കാം. പക്ഷെ കുയിലിന്റെ ശ്രദ്ധകഞ്ഞിപ്പുരയില്‍ നിന്ന്‌ ഉയരുന്ന പുകയിലാണ്‌. കുയില്‍ തന്റെ ക്ലാസിനു മുന്നിലേക്ക്‌ നടക്കുന്നു.
ഹെഡ്‌മാസ്റ്റര്‍ (പിന്നില്‍നിന്ന്‌) ഉം എങ്ങോട്ടാ?
കുയില്‍ തിരിഞ്ഞുനോക്കുന്നു. വടിയും കൊണ്ട്‌ നില്‍ക്കുന്ന ഹെഡ്‌മാസ്റ്ററെ കണ്ട്‌ പേടിക്കുന്നു.
ഹെഡ്‌മാസ്റ്റര്‍ - ഇതൊരു പതിവാണല്ലോ? ഇനി ക്ലാസില്‍ കയറണ്ട്‌. നാളെ മുതല്‍ നേരത്തെ വരാമെങ്കില്‍ ഇങ്ങോട്ട്‌ വന്നാല്‍ മതി. അല്ലെങ്കില്‍ വരണ്ട. കൂട്ടുകാരൊന്നും
വരണില്ലല്ലോ. അവരെല്ലാം സമരപ്പന്തലില്ലേ. നീയം പോയി സമരം ചെയ്യ്‌. പോ..
കുയില്‍ കഞ്ഞിപ്പുരയില്‍ നോക്കി നില്‍ക്കുന്നു.പ്രതീക്ഷകളെല്ലാം തകര്‍ന്നതിന്റെ മുഖഭാവം.
ഹെഡ്‌മാസ്റ്റര്‍ - ഉം.. പൊയ്‌ക്കോ.
കുയില്‍ വേദനയോടെ പുറത്തേക്ക്‌ നടക്കുന്നു.
സീന്‍ പന്ത്രണ്ട്‌
സ്‌കൂള്‍ ഗേറ്റ്‌
പകല്‍
മയക്കത്തിലിരിക്കുന്ന ഐസ്‌ക്രീം കച്ചവടക്കാരനരികിലൂടെ കുയില്‍ നടന്നകലുന്നു.
സീന്‍ പതിമൂന്ന്‌
റോഡ്‌
പകല്‍
വിഷമിച്ച മനസ്സുമായി കുയില്‍ നടക്കുന്നു. (പശ്ചാത്തലത്തില്‍ കുയിലിന്റെ ശബ്‌ദം) -
``ഇന്ന്‌ തിങ്കളാഴ്‌ചയാ. കുയില്‌ സ്‌കൂളില്‍ പോകണുണ്ട്‌. കഞ്ഞീം വാങ്ങി പെട്ടെന്നുവരാം. വന്നിട്ട്‌ ഒരുമിച്ച്‌ കഞ്ഞി കുടിക്കാം. കുയിലിന്റെ വയറും കുറേശ്ശെ കത്തണ്‌ണ്ട്‌.
കുയില്‍ റോഡരികിലെ കല്ലില്‍ തളര്‍ന്നിരിക്കുന്നു.
രൗ േീേ
സീന്‍ പതിനാല്‌
ചായപ്പീടിക / റോഡ്‌
പകല്‍
പീടികയ്‌ക്കു മുന്നില്‍ രണ്ട്‌ പേര്‍ നില്‍പ്പുണ്ട്‌. അവര്‍ ചായ കുടിച്ചുകൊണ്ട്‌ പരസ്‌പരം സംസാരിക്കുന്നു. മറ്റൊരാള്‍ കടന്നുവന്ന്‌ ഒര്‌ ചായ ഓര്‍ഡര്‍ ചെയ്യുന്നു. കടക്കാരന്‍ ചായയടിക്കാന്‍ തുടങ്ങുന്നു. കടയ്‌ക്ക്‌ എതിര്‍വശത്ത്‌ റോഡരികില്‍ കുയില്‍ ഇരിക്കുന്നു. അവന്റെ ശ്രദ്ധ ചായക്കടയില്‍ ആണ്‌. ചായകുടിച്ചു കഴിഞ്ഞാല്‍ പണം നല്‍കി നടക്കുന്നു. കടക്കാരന്‍ പണം വാങ്ങി പെട്ടിയിലിടാന്‍ തിരിയുന്ന സമയത്ത്‌ കുയില്‍ ഓടിവന്ന്‌പാത്രത്തിലിരിക്കുന്പഴംപൊരി യുമെടുത്തു കൊണ്ട്‌ ഓടുന്നു. കടക്കാരന്‍ ഓടി അവന്റെ പിറകെ വരുന്നു.
കടക്കാരന്‍-ടാ കള്ളാ... നിക്കടാ അവിടെ.
കുയില്‍ വളവുതിരിഞ്ഞ്‌ ഓടി മറയുന്നു.
സീന്‍ പതിനഞ്ച്‌.
ഇടവഴി
പകല്‍
കുയില്‍ ഏതൊക്കെയോ വഴികളഇലൂടെ വളരെ വേഗത്തില്‍ ഓടുന്നു.
സീന്‍ പതിനാറ്‌
ഒഴിഞ്ഞ സ്ഥലം
പകല്‍
ഓടിത്തളര്‍ന്ന്‌ കുയില്‍ ഒഴിഞ്ഞ ഒരിടത്ത്‌ വന്നിരിക്കുന്നു. കിതക്കുന്നതിന്റെ ശബ്‌ദം കേള്‍ക്കാം. ആരെങ്കിലും വരുന്നുണ്ടോ എന്ന്‌ നോക്കുന്നു. ആരുമില്ലെന്ന്‌ ഉറപ്പുവരുത്തി ഒരു പഴംപൊരി പാത്രത്തില്‍ വെച്ചിട്ട്‌ ഒരെണ്ണം തിന്നാന്‍ തുടങ്ങുന്നു. പെട്ടെന്ന്‌ എന്തോ ഓര്‍ത്തപോലെ തിന്നാന്‍ തുടങ്ങിയ പഴംപൊരിയുടെ പകുതി കൂടി മുറിച്ച്‌ പാത്രത്തില്‍ വെച്ച്‌ അടയ്‌ക്കുന്നു. ബാക്കിയുള്ള പകുതി തിന്നാന്‍ തുടങ്ങുമ്പോള്‍ എവിടെ നിന്നോ `കള്ളാ...' എന്നൊരു വിളി കേള്‍ക്കുന്നു. കുയില്‍
പേടിച്ച്‌ ചുറ്റിനും നോക്കുന്നു. ആരെയും കാണുന്നില്ല. തിന്നാന്‍ തുടങ്ങുമ്പോള്‍ വീണ്ടും `കള്ളാ' എന്ന വിളി കേള്‍ക്കുന്നു. ചുറ്റിനും നോക്കുന്നു. എന്തോ ഓര്‍ത്തിരിക്കുന്നു.
എമറല ീൗ
േ
സീന്‍ പതിനേഴ്‌
കുടില്‍ (അകം)
പകല്‍
അമ്മ പാത്രത്തില്‍ നിന്നും കഞ്ഞി വിളമ്പി കുയിലിന്‌ കൊടുക്കുന്നു. കുയില്‍ തറയിലിരിക്കുന്നു.
അമ്മ-നമ്മള്‍ പട്ടിണി കിടന്നാലും ആരുടേയും ഒന്നും മോഷ്‌ടിക്കരുത്‌.
cut to
സീന്‍ പതിനെട്ട്‌
ഒഴിഞ്ഞ സ്ഥലം
പകല്‍
കുയിലിന്റെ മുഖം നാല്‌ ദിക്കില്‍ നിന്നും `കള്ളാ... കള്ളാ...' എന്നുള്ള വിളികള്‍ ഉറക്കെ കേള്‍ക്കുന്നു. ശബ്‌ദം ഉച്ചത്തിലാകുമ്പോള്‍ കുയില്‍ രണ്ട്‌ കൈയും കൊണ്ട്‌ അവന്റെ ചെവികള്‍ പൊത്തുന്നു.
സീന്‍ പത്തൊമ്പത്‌
ചായപ്പീടിക
പകല്‍
കുയില്‍ പഴംപൊരി ഇരിക്കുന്ന പാത്രം കടക്കാരനു നേരെ നീട്ടുന്നു. അയാള്‍ കുയിലിനെ രൂക്ഷമായി നോക്കി ആഞ്ഞൊരു അടി കൊടുക്കുന്നു. കുയില്‍ റോഡിലേക്ക്‌ വീഴുന്നു. കടക്കാരന്‍ കുയിലിനെ റോഡില്‍ നിന്നുയര്‍ത്തി ഷര്‍ട്ടില്‍ കുത്തിപ്പിടിക്കുന്നു.
കടക്കാരന്‍ - കള്ള തെമ്മാടി... ഇനി നിന്നെ ഈ പരിസരത്തു കണ്ട്‌ പോകരുത്‌.കടക്കാരന്‍ പിന്നെയും ഒര്‌ അടി കൊടുക്കുന്നു.ഇതെല്ലാം കണ്ട്‌ കൊണ്ട്‌ രണ്ട്‌പേര്‍ ചായകുടിച്ചുകൊണ്ട്‌ നില്‍ക്കുന്നു.
ഒന്നാമന്‍-അവന്റെ മുഖത്ത്‌ തന്നെയുണ്ട്‌ കള്ളലക്ഷണം. വിളഞ്ഞ വിത്താ. കിട്ടട്ടെ രണ്ടെണ്ണം കിട്ടട്ടെ.
രണ്ടാമന്‍-അവനാ കോളനീലെ പയ്യനാ. ഇവറ്റകളെക്കൊണ്ട വല്യ ശല്യമാണിപ്പോള്‍.
കടക്കാരന്‍-തറയില്‍ കിടക്കുന്ന പഴംപൊരി തുടച്ച്‌ പാത്രത്തില്‍ തിരികെ
വെയ്‌ക്കുന്നു.
കടക്കാരന്‍ (കുയിലിനോട്‌) എണ്ണീറ്റുപോടാ തെണ്ടി.
കുയില്‍ എണീറ്റ്‌ പ്രയാസപ്പെട്ട്‌ നടക്കുന്നു. പാത്രത്തിലിരിക്കുന്ന പഴംപൊരിയില്‍ നിന്ന്‌ ആവി പറക്കുന്നു.
സീന്‍ ഇരുപത്‌
റോഡരിക്‌
പകല്‍
കുയില്‍ അവശനായി നടന്നുവരുന്നു. പൈപ്പിന്റെ അരികില്‍ വന്ന്‌ വെള്ളം കുടിക്കാനായി ടാപ്പ്‌ തുറക്കുന്നു. കാറ്റ്‌ വരുന്ന ശബ്‌ദം കേട്ട്‌ നിരാശനായി പൈപ്പടക്കുന്നു. അരികിലെ മരത്തിന്റെ ചുവട്ടില്‍ വന്ന്‌ തളര്‍ന്നിരിക്കുന്നു. ഉടുപ്പെല്ലാം കീറിയിരിക്കുന്നു. കീറിയ ഉടുപ്പിനുള്ളിലൂടെ താഴ്‌ന്നു പൊങ്ങുന്ന കുയിലിന്റെ ഒട്ടിയ വയര്‍. അവന്റെ അരികില്‍ കിടക്കുന്ന തെരുവുനായ തലയുയര്‍ത്തി അവനെ നോക്കുന്നു. കുറച്ചപ്പുറത്തായി ഇരിക്കുന്ന ഭിക്ഷക്കാരന്‍ പയ്യന്‍ തനിക്ക്‌ കിട്ടിയ ഭക്ഷണം
ആര്‍ത്തിയോടെ തിന്നുന്നത്‌ കുയില്‍ കാണുന്നു. കുയില്‍ മരത്തിലേക്ക്‌ ചാരി പതുക്കെ കണ്ണടക്കുന്നു. ദൂരെനിന്ന്‌ കേള്‍ക്കുന്ന ചെണ്ടമേളം. മേളം അടുത്തടുത്ത്‌ വരുന്നു. അലങ്കരിച്ച വണ്ടിയില്‍ മാവേലി വേഷവും പുലികളിയും ചെണ്ടമേളവും കടന്നു വരുന്നു. `ഓണാശംസകള്‍' എന്നെഴുതിയ ബോര്‍ഡ്‌. മാവേലി കൈവീശി കാണിക്കുന്നു. ചെണ്ടമേളം അകലുന്നു. മരത്തില്‍ ചാരിയിരുന്നുറങ്ങുന്ന കുയില്‍. മരത്തിനുമുകളില്‍ നിന്ന്‌ അപ്പോള്‍ കുയിലിന്റെ ശബ്‌ദം കേട്ടു തുടങ്ങുന്നു. കൂ... കൂ....

കാണി വാര്‍ഷികം-2010: കൂടുതല്‍ ചിത്രങ്ങള്‍

2010-06-09T20:38:00.002+05:30

ശരത്അനുസ്മരണം: കെ.എ.ഷാജി ജോണ്‍‌അബ്രഹാംഅനുസ്മരണം:എം.സി.രാജനാരായണന്‍

സൂഫിപറഞ്ഞകഥസംവാദം:കെ.എ.മോഹന്‍‌ദാസ്

ChildhoodDays-A Memoir

2009-11-20T06:21:00.003+05:30

Childhood Days-A Memoir
SATYAJIT RAY
Translated into English by BijayaRay
Publishers:Penguin Books,Price:Rs.250/

എം.നാരായണന്‍ നമ്പൂതിരി

ക്ലാസ്സിക് ലോക സിനിമാ സംവിധായകരുടെ ഇടയിലേക്ക് ഇന്ത്യയുടെ കനപ്പെട്ട സംഭാവനയായ സത്യജിത്‌റേ വെറുമൊരു സംവിധായകന്‍മാത്രമായിരുന്നില്ല. നല്ലൊരെഴുത്തുകാരനും ചിത്രരചയിതാവും,ഗാനരചയിതാവും ഫോട്ടോഗ്രാഫറും മറ്റുമായിരുന്നു.അദ്ദേഹത്തിന്റെ കുടുംബം നടത്തിയിരുന്ന ബംഗാളിയിലുള്ള ‘സന്ദേശ്’ എന്ന ബാലസാഹിത്യ മാസികയുടെ പത്രാധിപരായിരുന്നു റെ.അതില്‍ കുട്ടികള്‍ക്കായി ഖണ്ഡശ്ശപ്രസിദ്ധീകരിക്കപ്പെട്ട താണ് 'Childhood days' .ബംഗാളിയില്‍ നിന്നും ഇംഗ്ലീഷിലേക്ക് തര്‍ജ്ജമചെയ്ത് പുസ്തകമാക്കി പ്രസിദ്ധീക രിച്ചത് സത്യജിത്‌റേയുടെ പത്നി ബിജോയ റെ ആണ്.
പുസ്തകത്തിന് രണ്ടു ഭാഗങ്ങളുണ്ട്.ഒന്നാം ഭാഗത്തില്‍ അദ്ദേഹത്തിന്റെ ബാല്യം അഞ്ച്അദ്ധ്യായങ്ങളിലായി വിവരിച്ചിരിക്കുന്നു.ഒന്നാം അദ്ധ്യായത്തില്‍ കുടുംബ പശ്ചാത്തലവും ജനനവും ആണ്.പിന്നെ അദ്ദേഹം താമസി ച്ചിരുന്ന ഗോര്‍പൂര്‍,ഭവാനിപൂര്‍ എന്നീ രണ്ടുപട്ടണങ്ങളും അവിടത്തെ ബാല്യകാലാനുഭവങ്ങളുമാണ് രണ്ടും മൂന്നും അദ്ധ്യായങ്ങള്‍.നാലും അഞ്ചും അദ്ധ്യായങ്ങള്‍ അദ്ദേഹത്തിന്റെ ഒഴിവുദിനങ്ങളിലെ അനുഭവങ്ങളും സ്കൂള്‍ അനുഭവങ്ങളുംവിവരിക്കുന്നു.മഹാനായ ഒരു കലാകാരന്റെ നൈസര്‍ഗ്ഗിക കഴിവുകളുടെ പ്രതിഫലനം ബാല്യകാലത്ത് തന്നെ കാണാം.
രണ്ടാം ഭാഗം അദ്ദേഹത്തിന് സിനിമാ നിര്‍മ്മാണവുമായി ബന്ധപ്പെട്ട് ഉണ്ടായ അനുഭവങ്ങളുടെവിവരണ മാണ്.പഥേര്‍ പാഞ്ചാലി എന്ന ആദ്യസിനിമയുടേയും പിന്നീട് അദ്ദേഹം കുട്ടികള്‍ക്കുവേണ്ടി നിര്‍മ്മിച്ച 6ചലച്ചിത്രങ്ങളുടേയും ഷൂട്ടിങ്ങ് അനുഭവങ്ങളാണ് ഇതില്‍.പഥേര്‍ പാഞ്ചാലിയില്‍ ‘അപു’വിനെ കണ്ടെത്തിയ തും,അഭിനയിച്ചിരുന്ന നായയും വാണിഭക്കാരനും മരിച്ചപ്പോള്‍ പുതിയ താരങ്ങളെ കണ്ടെത്താനുണ്ടായ പ്രയാസങ്ങളും വിവരിച്ചിരിക്കുന്നു.കുട്ടികളുടെ ചിത്രങ്ങള്‍ അവരുടെ ഭാവനക്കൊത്ത് നിര്‍മ്മിക്കുമ്പോള്‍ ഉണ്ടാകുന്ന പ്രയാസങ്ങള്‍ വളരെ രസകരമാണ്.പുസ്തകത്തിലെ സ്കെച്ചുകള്‍ മുഴുവന്‍ റേ തന്നെ വരച്ചതാണ്. കൂടാതെ റേയുടെ ബാല്യകാലത്തെയും,കുടുംബത്തിന്റെയും,സിനിമാഷൂട്ടിങ്ങിന്റേയും ഫൊട്ടോഗ്രാഫുകളും പുസ്തകത്തെ സമ്പുഷ്ടമാക്കുന്നു.
സിനിമയെക്കുറിച്ച് ,പ്രത്യേകിച്ച് സത്യജിത്‌റേയെക്കുറിച്ച് കൂടുതലറിയുന്നതിന് ഈ പുസ്തകം സഹായിക്കും.

സാംസ്കാരികോല്‍സവം-09:ഫോട്ടോ&ചിത്രപ്രദര്‍ശനം

2009-07-05T19:20:00.009+05:30

സാംസ്ക്കാരികോത്സവം-09 ചിത്രകലാക്യാമ്പ്:കൂടുതല്‍ ചിത്രങ്ങള്‍

2009-07-04T22:00:00.009+05:30

ഉദ്ഘാടനം:ആലങ്കോട് ലീലാകൃഷ്ണന്‍
ക്ലാസ്സ്:ഗണപതി മാസ്റ്റര്‍,പെരിങ്ങോട്

ക്യാമ്പംഗങ്ങള്‍

കെ.യു.കൃഷ്ണകുമാര്‍

സാംസ്ക്കാരികോത്സവം-09 ഉദ്ഘാടനസമ്മേളനം:കൂടുതല്‍ ഫോട്ടോകള്‍

2009-07-04T21:19:00.015+05:30

2009ജൂണ്‍ 26,27,28 തിയ്യതികളിലായി നടന്ന ചിത്രകലാക്യാമ്പിന്റേയും ചിത്രപ്രദര്‍ശനത്തിന്റേയുംചലച്ചിത്രോത്സവത്തിന്റേയുംഉദ്ഘാടന സമ്മേളനം: കൂടുതല്‍ ചിത്രങ്ങള്‍വേദിയിലേക്ക്
വി.ശാന്താറാം,ഐ.പി.എസ്

ഉദ്ഘാടനം:സുകുമാര്‍ അഴീക്കോട്

കെ.പി.മോഹനന്‍(ഏഷ്യാനെറ്റ്)

ചലച്ചിത്രോത്സവം ഉദ്ഘാടനം:പ്രിയനന്ദനന്‍വസ്ത്രാലങ്കാരത്തിന് സംസ്ഥാന സര്‍ക്കാര്‍ പുരസ്കാരം നേടിയ കുമാര്‍ എടപ്പാളിന് സ്വീകരണം

കുമാര്‍ എടപ്പാള്‍

ഡോ.കെ.വി.കൃഷ്ണന്‍

വാസുദേവന്‍ അടാട്ട്

സമ്മാന വിതരണം:കെ.യു.കൃഷ്ണകുമാര്‍

രതീഷ്.സി.നായര്‍(ഡയറക്റ്റര്‍,റഷ്യന്‍ കള്‍ച്ചറല്‍ സെന്റര്‍)

ജസ്ഫര്‍ മലപ്പുറം,ഉണ്ണി എടക്കഴിയൂര്‍(ചിത്രകാരന്മാര്‍)

സന്തൂര്‍&തബല(മുജീബ്റഹ്‌മാന്‍/ഹരി ആലങ്കോട്)

സദസ്സ്

ഫിലിം സൊസറ്റി പ്രസ്ഥാനം പോയകാലവും വരുംകാലവും-സെമിനാറിന്റെ കൂടുതല്‍ ചിത്രങ്ങള്‍

2009-06-03T21:17:00.006+05:30

രശ്മി ഫിലിം സൊസൈറ്റിക്കുള്ള ഉപഹാരം:ജയന്‍ പകരാവൂര്‍
ഡോ.കെ.വി.കൃഷ്ണനുള്ള ഉപഹാരം:ആലങ്കോട് ലീലാകൃഷ്ണന്‍

ഡോ.കെ.വി.കൃഷ്ണന്‍

അശ്വിനി ഫിലിം സൊസൈറ്റിക്കുള്ള ഉപഹാരം:കെ.ജി.മോഹന്‍ കുമാര്‍

പഥേര്‍ പാഞ്ചാലി‘ ലേഖനമത്സരത്തില്‍ ഒന്നാം സ്ഥാനം നേടിയലേഖനം

2009-02-01T20:07:00.000+05:30

പഥേര്‍ പാഞ്ചാലി-ഒരുചലച്ചിത്രാനുഭവം
ദ്വിജാബായി.എ.കെ.

ഇന്ത്യന്‍ സിനിമാചരിത്രത്തിലെത്തന്നെ വഴിത്തിരിവായി മാറിയ ‘പഥേര്‍ പാഞ്ചാലി‘ അര നൂറ്റാണ്ട് പിന്നിട്ടിരിക്കുന്നു.ഇന്ത്യന്‍ സിനിമയ്ക് നവീനമായ മറ്റൊരു മുഖം നല്‍കുന്നതില്‍ നിര്‍ണ്ണാ യകപങ്കു വഹിച്ച ഈചിത്രം,‘ഇന്ത്യന്‍ യാഥാര്‍ത്ഥ്യം’എന്ന കാഴ്ചപ്പാടിനെ പ്രതീകവല്‍ക്കരിക്കാന്‍ പാകമായ പുതിയൊരു ചട്ടക്കൂട് നമ്മുടെ ചലച്ചിത്ര സംസ്കാരത്തിന് നല്‍കി.അതുതന്നെയാണ് അമ്പത്തിനാലു വര്‍ഷങ്ങള്‍ക്കിപ്പുറവും ഈ ദൃശ്യ വിരുന്നിന്റെ തനിമ നിലനിര്‍ത്തുന്ന ഘടകവും.

സത്യജിത്ത് റായ് എന്ന ഇന്ത്യന്‍ സിനിമയുടെ ഇതിഹാസപുരുഷന്റെ പ്രഥമ സംവിധാന സംരംഭം ഇന്ത്യന്‍ സിനിമയുടെ യശസ്തംഭമായി മാറിയതെങ്ങനെ എന്ന ചോദ്യത്തിനുത്തരം,വിഖ്യാതനായ അകിര കുറൊസോവയുടെ വിലയിരുത്തല്‍ തന്നെയാണ്:”റായുടെ ചിത്രങ്ങള്‍ കണ്ടിട്ടില്ല എന്നു പറയുന്നതിനര്‍ത്ഥം നിങ്ങള്‍ സൂര്യ ചന്ദ്രന്മാരെ കണ്ടിട്ടില്ല എന്നു പറയുന്നതിന് സമാനമാണ്.”എന്നാണദ്ദേഹം പറഞ്ഞത്.ഇന്ത്യന്‍ ചലചിത്രരംഗത്തിന് നിയോറിയലിസത്തിന്റെ ഉപ വസന്തം കൊണ്ടുവന്നതിനൊപ്പം മാറ്റത്തിന്റെ കാഹളം മുഴക്കുക കൂടിയായിരുന്നു അക്ഷരാര്‍ഥത്തില്‍ ‘പഥേര്‍പാഞ്ചാലി‘.ഇതുപോലെ ചര്‍ച്ചചെയ്യപ്പെടുകയും എഴുത പ്പെടുകയുംചെയ്ത ഒരിന്ത്യന്‍ സിനിമ ഇല്ലെന്നു തന്നെ പറയാം.അരനൂറ്റാണ്ടിനു ശേഷവും ഇത്തരമൊരു ഉല്‍കൃഷ്ട കൃതിയെ നമ്മള്‍ എങ്ങനെ അനുഭവിക്കുന്നു എന്ന അന്വേഷണമാണ് പഥേര്‍ പാഞ്ചാലി വീണ്ടും കാണുമ്പോള്‍ അല്ലെങ്കില്‍ പുനര്‍ നിരീക്ഷണങ്ങള്‍ക്ക് വിധേയമായി സമീപിക്കുമ്പോള്‍ ഉണ്ടാവുന്നത്.

കച്ചവടധാരാ ചിത്രങ്ങള്‍ക്ക് സമാന്തരമായി നിലനിന്നു കൊണ്ടുതന്നെ അന്താരാഷ്ട്ര തലത്തില്‍ ‘ഇന്ത്യന്‍ സിനിമ‘യായുംപ്രാദേശികമായഖണ്ഡനമണ്ഡാനങ്ങള്‍ക്കു വിധേയമായി ദേശീയ തലത്തില്‍ ആധുനികതയുടേ വക്താവായും ‘പഥേര്‍ പാഞ്ചാലി‘ വാഴ്ത്തപ്പെട്ടിട്ടുണ്ട്.ഇന്ത്യയുടെ ചലച്ചിത്ര സംസ്കാരത്തിലും ലാവണ്യ ബോധമുള്‍പ്പെടെയുള്ള വീക്ഷണപന്ഥാവുകളിലും വ്യക്തമായ സ്വാധീനം ചെലുത്തിയപ്പോള്‍ തന്നെ ഇന്ത്യയില്‍ വേരുറപ്പിച്ചുവന്ന കച്ചവട സിനിമാസംസ്കാരത്തിന് ഒരു ബദലായി സ്വയമവതരിപ്പിക്കാന്‍, അപു എന്ന ബാലനെക്കുറിചും അവന്റെ ചുറ്റുപാടുകളെക്കുറിച്ചുമുള്ള കഥ പറഞ്ഞു കൊണ്ട് ഈ “പാതയുടെ സംഗീത“ ത്തിന് സാധിക്കുന്നു.ബിഭൂതിഭൂഷണ്‍ ബന്ദോപാദ്ധ്യായയുടെഒരു പ്രശസ്തമായ നോവലാണ് ‘പഥേര്‍ പാഞ്ചാലി‘എന്ന സിനിമയായത്.വേണ്ടത്ര ലോകപരിചയം സിദ്ധിച്ചിട്ടില്ലാത്ത പ്രേക്ഷകര്‍ക്കുപോലും തുറന്ന ലോകത്തെയും ദാര്‍ശനികതയുടെ നീളുന്ന പാതകളെയും ഈ ചിത്രം പരിചയപ്പെടുത്തുന്നു.റായ്, ഈ ചിത്രത്തെ സംഗ്രഹിച്ച് അവതരിപ്പിച്ചത് ഇങ്ങനെയാണ്: “തീവണ്ടിയുടെ ആദ്യ ദര്‍ശനം,വൃദ്ധയായ അമ്മായിയുടെ മരണം,മോഷ്ടിക്കപ്പെടുന്ന ഒരു മാല,മഴ,പേമാരി,ദുര്‍ഗ്ഗയുടെ മരണം”.അത്രയൊന്നും പരോക്ഷമാകാതെത്തന്നെ ആധുനികതയുടെ ഭാഷ്യം പ്രകടിപ്പിക്കുന്ന സം വാദങ്ങളിലേക്കും ഈസംക്ഷിപ്തത നമ്മെ നയിക്കുന്നു എന്ന കാര്യവും വിട്ടുകളയാനാവാത്തതാണ്.

ചെറുപാതകളുടേയും വലിയ മാനങ്ങളുടെയും ചലച്ചിത്രമാണ് പഥേര്‍ പാഞ്ചാലി.ഒരു വീട്ടിലും ചുറ്റുപാടു കളിലുമായി ക്രമമായി വളരുന്ന ഒരിതിവൃത്തമാണീ ചിത്രത്തിനുള്ളത്.സാധാരണക്കാരായ ഗ്രാമീണരുടെ നിത്യ ജീവിത യാഥാര്‍ഥ്യത്തിന്റെ ഭൂപടങ്ങള്‍ ഈചിത്രം വരച്ചിടുന്നു.ലോകക്ലാസ്സിക്കായി മാറിയ ഈ സിനിമയെ അവിസ്മരണീയമാക്കുന്നതില്‍ ശബ്ദ പഥത്തിന് വലിയ പ്രാധാന്യമാണുള്ളത്. മരണത്തെക്കു റിച്ചെന്നപോലെ ജീവിതത്തിന്റെയും അതിജീവനത്തിന്റെയും അവസ്ഥകള്‍ സൂക്ഷ്മമായും ഹൃദയസ്പൃക്കായും രേഖപ്പെടു ത്തിയ ഒരു പുസ്തകത്തിലൂടെ കടന്നു പോകുന്ന അനുഭവമാണ് എനിക്കീസിനിമ നല്‍കിയത്.

വ്യത്യസ്തമായ രണ്ടു ലോകങ്ങളും അവയുടെ പരിസരങ്ങളും തമ്മില്‍ ഇട കലര്‍ത്തിയാണ് ഇവിടെ
അവതരിപ്പിച്ചിരിക്കുന്നത്:കുട്ടികളുടേയും മുതിര്‍ന്നവരുടേതുമായ ലോക ങ്ങള്‍. ഈ രണ്ടു ലോകങ്ങളുമടങ്ങിയ വലിയ ലോകത്തിന്റെ ചെറിയ പകര്‍പ്പാണ് റായ് അവതരിപ്പിക്കുന്നത്.മനുഷ്യ ജീവിതത്തിലെ ആദ്യാനുഭവ ങ്ങളുടെ ,ബാല്യ കാലത്തിന്റെ, മിഴിവാര്‍ന്ന ആവിഷ്കരണങ്ങള്‍ നമുക്ക് കാണാം.ജീവിതം മുന്നോട്ടു നയി ക്കാന്‍ വേണ്ടി വരുന്ന ജീവിതസമരങ്ങളും അവതരണത്തില്‍ ഉള്‍പ്പെടുന്നു. മനുഷ്യാവസ്ഥയെക്കുറിച്ചുള്ള ക്രൂരമായ ചില സത്യങ്ങളും സാന്ത്വനമാകുന്ന പ്രതീക്ഷകളും മനസ്സില്‍ തട്ടി കടന്നു പോകുന്നു. ചിത്രം അവതരിപ്പിക്കുന്നത് ദുര്‍ഗ്ഗ യുടെ വളര്‍ച്ചയും മരണവുമാണ്.അതേ സമയംഅത് അപുവിന്റെ ജനനവും വളര്‍ച്ചയുമാണ്.പുസ്തകത്തി ന്റെയൊ ബുദ്ധിയുടേയൊ ഇടപെടലില്ലാതെ ലോകത്ത്, പ്രകൃതിയെ നേരിട്ടറിയുന്ന മനുഷ്യരുടെ ചിത്രങ്ങള്‍ നാമിവിടെ കണ്ടെടുക്കുന്നു.കുട്ടികളുടെ ഈ ലോകത്തില്‍ പ്രകൃതി യുമായുള്ള സംസര്‍ഗ്ഗത്തില്‍ നിന്നുണ്ടാകുന്ന സംഗീതവുമുണ്ട്.പ്രകൃതിയും മനുഷ്യരും ചേര്‍ന്ന് നിര്‍മ്മിക്കുന്ന സംഗീതത്തിന്റെ കാവ്യാത്മകമായ ദൃശ്യാവി ഷ്ക്കാരമാണിത്.തങ്ങള്‍ക്കു ചുറ്റുമുള്ള ലോകത്തിന്റെ ഗതിവി ഗതികളില്‍ ഇടപെടുന്നതിനും അതിനെ നിയന്ത്രി ക്കുന്നതിനും സാധിക്കുന്ന അവസ്ഥയിലല്ല ഈ കുട്ടികള്‍. നിര്‍മ്മാണത്തിലിരിക്കുന്ന പൌരന്മാര്‍/കഥാപത്രങ്ങള്‍ മാത്രമാണ് ഈ കുട്ടികള്‍.അപു പ്രധാനമായും തനിക്കു ചുറ്റുമുള്ള ലോകത്തിന്റെ ഒരു സാക്ഷി മാത്രമാണ്.അപു ഒരേ സമയം കാണിയും കഥാപാത്രവുമാണ്.

അപുവിന്റെ വീടിനടുത്തുള്ള പായല്‍ പിടിച്ച കുളമായിരിക്കും ഒരു പക്ഷെ,‘പഥേര്‍പാഞ്ചാലി’യുടെ ആഖ്യാ നലോകത്തെ എറ്റവും നന്നായി പ്രതിനിധീകരിക്കുക.മാറിവരുന്ന കാലാവസ്ഥകള്‍ക്കനുസരിച്ച് വര്‍ഷാ വര്‍ഷം നിറയുകയും താഴുകയും ചെയ്യുന്ന ഈ ജലാശയം അതിന്റെ നിശ്ചലതകൊണ്ടും ഭൌതികാവസ്ഥകള്‍ കൊ ണ്ടും ആഖ്യാനലോകത്തെ ആവാഹിക്കുന്നു.ചലനം സൃഷ്ടിക്കുന്ന ഏതൊരു മുറിവിനേയും ക്രമേണ പായല്‍ വന്നു മൂടുമെന്ന പ്രകൃതി നിയമത്തിലും ഒരു ജീവിത ദര്‍ശനം കാണാം.പുറം ലോകത്തിന്റേതായ ഇടപെട ലുകള്‍ മിഠായിക്കാരന്റെ മോഹിപ്പിക്കുന്ന മധുരമായും ബയോസ്കോപ്പിന്റെ മാന്ത്രികതയായും ടെലഗ്രാഫ് പോസ്റ്റിന്റെ മൂളക്കമായും തീവണ്ടിയുടെ അജ്ഞാത ലക് ഷ്യങ്ങളായും കടന്നുവരുന്നു.തീവണ്ടി ആധുനിക തയുടേയും നാഗരികതയുടേയും ബിംബമായി വര്‍ത്തിക്കുന്നു.ഏതൊക്കേയോ ലക്ഷ്യങ്ങളിലേക്കു പായുന്ന എവിടെ നിന്നൊക്കെയോ വന്നു ചേരുന്ന യാത്രകളുടെ അനന്ത സാധ്യതകളുടെ ഒരു സന്ധി കൂടി യാണത്.

വാക്കുകള്‍ക്കതീതമായി ദൃശ്യങ്ങള്‍ക്ക് സംവദിക്കുവാന്‍ കഴിയുമ്പോളാണ് ചലച്ചിത്രത്തിന് കാവ്യ സുഭഗത കൈവരിക്കാനാവുന്നത്.മണിനാദം കേള്‍പ്പിച്ച് നീങ്ങുന്ന മധുരപലഹാരവില്‍പ്പനക്കാരനെ ആശയോടെ പിന്തുട രുന്ന അപുവിനേയും ദുര്‍ഗ്ഗയേയും കാണിക്കുന്ന സുദീര്‍ഘമായ രംഗത്തിന്റെ പ്രസക്തി പിന്നീട് രോഗഗ്രസ്ത യായി കിടക്കുന്ന ദുര്‍ഗ്ഗ മധുരപലഹാര വില്പനക്കരന്റെ മണിനാദം കേള്‍ക്കുമ്പോഴും,ഭാവഭേദമില്ലാതെ ചലന മറ്റു കിടക്കുന്ന ഷോട്ടിലാണറിയുക.ദുര്‍ഗ്ഗയുടെ നിസ്സഹായാവസ്ഥ ഇതില്‍ക്കൂടുതല്‍ ചിത്രീകരിക്കാനാവില്ലല്ലോ?
ദാരിദ്ര്യം എന്ന യാഥാര്‍ത്ഥ്യത്തെ ഒട്ടും കാല്പനികവല്‍ക്കരിക്കാതെയാണ് റായ് അവതരിപ്പിക്കുന്നത്. ദാരിദ്ര്യം ആരെയും വിശുദ്ധരാക്കി മാറ്റുന്നില്ല.അത് പലപ്പോഴും മനുഷ്യരെ അപമാനവീകരിക്കുന്നു. ദാരിദ്ര്യം,വാര്‍ദ്ധക്യം തുടങ്ങിയ ദുരിത യാഥാര്‍ത്ഥ്യങ്ങളെ തന്മയത്വത്തോടെയാണ് അവതരിപ്പിച്ചിരിക്കു ന്നത്.വാര്‍ദ്ധക്യത്തിന്റെ നിരാലംബത മാത്രമല്ല സൌമ്യ ദീപ്തിയും നമുക്കിവിടേ കാണാം.’പിഷി’എന്ന വൃദ്ധയുടെ മരണം-വളരെ ഭൌതികമായ ഒരു ശബ്ദത്തിലൂടെയാണ് അപു മരണത്തെ ആദ്യമായി കണ്ടുമുട്ടുന്ന രംഗം നമ്മില്‍ അടയാളപ്പെടുന്നത്-അവരുടെ മൃതദേഹം ഒരു മരം നിലത്തേക്ക് പതിക്കുന്നതു പോലെ പ്രകൃതിയോട് സമരസപ്പെടുന്നു.
ഇന്ത്യന്‍ യാഥാര്‍ത്ഥ്യത്തിന്റെ ഉജ്വലമായ വശങ്ങളാണ് പഥേര്‍പാഞ്ചാലിയില്‍ ഉള്ളത്.സര്‍വജയ എന്ന അമ്മ,ഹരിഹര്‍ എന്ന കുടുംബനാഥന്‍,അവരുടെ കുടും ബം ഇവയെല്ലം അന്നത്തെ സാമൂഹ്യ വ്യവസ്ഥയുടെ ഏറ്റവും പ്രസക്തമായ ബിംബങ്ങളായിരുന്നു.

പഥേര്‍പാഞ്ചാലിയില്‍ സ്ത്രീകളുടെ ജീവിതം വളരെ സൂക്ഷ്മമായി അവതരി പ്പിക്കുന്നുണ്ട്.സ്ത്രീകള്‍ നേരിടുന്ന ജീവിത പ്രശ്നങ്ങല്‍ റായ് ചൂണ്ടിക്കാണി ക്കുന്നുണ്ട്.ദാരിദ്ര്യത്തിന്റെ തിക്ത ഫലങ്ങള്‍ കൂടുതല്‍ അനുഭവിക്കുന്നത് സ്ത്രീ കളാണ്.അപുവിന് സ്കൂളില്‍ പോകാന്‍ സാധിക്കുമ്പോള്‍ ദുര്‍ഗ്ഗ വീട്ടിലെ ചുറ്റുപാടില്‍ പരിമിതപ്പെട്ടവളാകുന്നു.ഹരിഹര്‍ ഹുക്ക വലിക്കുകയും മറ്റു വിനോദത്തിലേര്‍പ്പെടുകയും ചെയ്യുമ്പോള്‍ സര്‍വജയ ദാരിദ്ര്യത്തിന്റെ പിടിയില്‍ നിന്നും ഒരിക്കലും മുക്തി നേടുന്നില്ല.ദുര്‍ഗ്ഗയുടെ രോഗവും മരണവുമെല്ലാം സ്ത്രീകളുടെ അരക്ഷിതാവസ്ഥയുടേയും ദുരന്തത്തിന്റേയും ആവിഷ്ക്കാരമെന്നനിലക്ക് ശ്രദ്ധേയമാകുന്നു.

മനുഷ്യര്‍ ഒറ്റക്ക് ജീവിക്കുന്ന ലോകമല്ല സത്യജിത്ത് റായ് കാണിച്ചുതരുന്നത്.സാമൂഹ്യ ജീവിതത്തിന്റെ
ഭിന്നതലങ്ങളും സംവിധായകന്‍ ചിത്രീകരിക്കുന്നു.കൂടാതെ പ്രകൃതിയുടെ സമഗ്രസൌന്ദര്യം കടന്നു വരികയും ചെയ്യുന്നു.ദാരിദ്ര്യവും മരണവുമെല്ലം ഉണ്ടായിട്ടും ജീവിതം മുന്നോടു പോവുകയാണ്.മുന്നോടു നീങ്ങുന്ന പാത ജീവിതത്തിന്റെ പാതയാണ്. യാതനകളും അപ മാനങ്ങളും നഷ്ടങ്ങളും മാത്രം സമ്മാനിച്ചിരുന്ന ‘പഴയ ലോകം’ ഉപേക്ഷിച്ച് പുതു ലോക ത്തിലേക്ക് യാത്രയാവുന്ന അപുവിന്റെ പ്രതീക്ഷയും പ്രസരിപ്പുമുള്ള മുഖത്തിന്റെ സമീപ ദൃശ്യ ത്തോടെയാണ് പഥേര്‍ പാഞ്ചാലി അവസാനിക്കുന്നത്.

ആന്ദ്രെ തര്‍ക്കോവ്സ്കിയുടെ വാക്കുകള്‍ കടമെടുത്തു പറഞ്ഞാല്‍’കാലത്തില്‍ കൊത്തുവേ ല നടത്തിയ ശില്പിയായിരുന്നു’റേ. ചിത്ര കലയിലേയും സാഹിത്യത്തിലേയും സംഗീതത്തി ലേയും മഹോന്നതരേയും അവരുടെ സൃഷ്ടി വൈഭവങ്ങളേയും പോലെ കാലാതീതമായ ഇത്തരമൊരു സൃഷ്ടി കൊണ്ട് സത്യജിത്ത് റേ മരണത്തെ കീഴടക്കിയിരിക്കുന്നു.

‘പഥേര്‍ പാഞ്ചാലി’ലേഖന മത്സരത്തില്‍ രണ്ടാം സ്ഥാനം നേടിയ ലേഖനം

2009-02-01T19:25:00.000+05:30

പാതയുടെപാട്ട്:ഒരു ദൃശ്യവിസ്മയം

ഹരിത.ആര്‍

"അവിടവിടെ ചിതറിക്കിടക്കുന്ന മുളങ്കാടുകള്‍. കാട്ടു വള്ളികളും ഇത്തിള്‍ക്കണ്ണിയും പടര്‍ന്നു പന്തലിച്ച പടു കൂറ്റന്‍ മരങ്ങള്‍. നിറഞ്ഞ കുളം. തോരാത്ത മഴ. പേര യ്ക്ക, ലന്തക്ക.. നനവ്. കനവ്.. ഇവയെല്ലാം ചേര്‍ന്നൊരു ക്കുന്ന ഒരു സംഗീതമുണ്ട്. ഒരുപക്ഷെ ഒരു പഴയ ഗ്രാമ ത്തിനു പരിചിതമായ ഗീതം. ടാറിട്ട റോഡുകള്‍ക്കോ ഹൈവേകള്‍ക്കോ സൃഷ്ടിയ്ക്കാവു ന്നതല്ല ആഗീതം. തീര്‍ത്തും ഒരു പാതയുടെ ഗീതം.അതാണ്പഥേര്‍പാ ഞ്ചാലി .
ബിഭൂതിഭൂഷണ്‍ ബന്ദ്യോപാദ്ധ്യായയുടെ പഥേര്‍ പാഞ്ചാലി എന്ന നോവലാണ് 1955ല്‍ പുറത്തിറങ്ങിയ ഈ റായ് ചിത്രത്തിന് പ്രചോദനമായത്. ഇന്ത്യന്‍ സിനിമ ലോകോത്തരതലത്തില്‍ ശ്രദ്ധിക്കപ്പെട്ടത് സത്യജിത് റായി ലൂടെയാണ്. ബംഗാളിഭാഷയാണ് സിനിമയ്ക്കാധാരമാക്കപ്പെട്ടിട്ടുള്ളതെങ്കിലും ഭാഷ കാഴ്ചയ്ക്കും ആസ്വാദന ത്തിനും തടസ്സമാകുന്നില്ല.
സിനിമയ്ക്ക് ഒരു നിര്‍വ്വചനം അസാദ്ധ്യമാണെങ്കില്‍ക്കൂടി, ആഹ്ലാദവും വേദനയും പ്രണയവും വയലന്‍സും ചേര്‍ന്നൊരു കച്ചവടക്കണ്ണുമാത്രമല്ല അതിനുള്ളത് എന്ന യാഥാര്‍ത്ഥ്യം പഥേര്‍ പാഞ്ചാലി തെളിയിച്ചു. അമിത മായ ആഹ്ലാദമോ അസഹനീയമായ വേദനയോ ഈ ചിത്രത്തിലില്ല. മിതമായ സന്തോഷം, കൌതുകം, കുസൃതി, അത്ഭുതം, വാത്സല്യം, നോവ്, നുണ തുടങ്ങിയ വ്യത്യസ്തവും വൈവിദ്ധ്യവുമായ ഭാവങ്ങളാണ് പഥേര്‍പാ ഞ്ചാലി അവകാശപ്പെടുന്നത്.
പ്രകൃതിയും മനുഷ്യനും - അഥവാ, പ്രകൃതിയും കുട്ടികളും തമ്മിലുള്ള അഭേദ്യമായ ബന്ധത്തിന്റെ ആവി ഷ്കാരമാണ് ഈ സിനിമ. പ്രമേയമോ പ്രസക്തിയോ അല്ല ഇവിടെ മുഖ്യം. ആവിഷ്കാരത്തിനനുയോജ്യമായ അന്തരീക്ഷവും സ്വാഭാവികതയുമാണ്. ഭാഗ്യവശാല്‍ ഏറ്റവും അനുയോജ്യമായ ഒരു ചുറ്റുപാടുതന്നെ റായിക്ക് കിട്ടിയിട്ടുണ്ട്. തനിയ്ക്കു ലഭ്യമായ അന്തരീക്ഷത്തെ മികവുറ്റ രീതിയില്‍ അവതരിപ്പിക്കാനും അദ്ദേഹത്തിനു സാധിച്ചിട്ടുണ്ട്. ഒരുപക്ഷെ പശ്ചാത്തലം എന്ന ഘടകം മറ്റൊരു സിനിമയിലും ഇത്രയധികം ശ്രദ്ധിക്കപ്പെട്ടി രിക്കില്ല. വളരെ ചെറിയ രംഗങ്ങള്‍ പോലും ഉള്‍ക്കൊണ്ടാണ് സംവിധായകന്‍ മുന്നോട്ടു നീങ്ങിയിട്ടുള്ളത്. പിഷി എന്ന മുത്തശ്ശി നട്ടുവളര്‍ത്തുന്ന ഒരു ചെടിയുണ്ട്. ആ മുത്തശ്ശിയുടെ introduction സീനില്‍ ഈ ചെടി വളരെ ചെറുതാണ്. ശേഷം സിനിമ പുരോഗമിക്കെ, ദുര്‍ഗ്ഗയും അപ്പുവും വളരുന്നതോടൊപ്പം ആ ചെടിയ്ക്കും മാറ്റങ്ങള്‍ വരുന്നുണ്ട്. മറ്റൊരു സീനില്‍ മുത്തശ്ശി വെള്ളമൊഴിക്കുമ്പോള്‍ ചെടി അല്പംകൂടി വലുതായിരി ക്കുന്നതായി കാണാം. കഥാപാത്രങ്ങളെക്കുറിച്ചു മാത്രമല്ല, അവരുടെ ശാരീരികവും മാനസികവുമായ മാറ്റങ്ങള്‍ പശ്ചാത്തലത്തില്‍ വരുത്തുന്ന വ്യതിയാനങ്ങളെപ്പറ്റിയും റായ് ബോധവാനായിരുന്നു. അതുപോലെ ഹരിഹര്‍ വീട്ടില്‍ വളര്‍ത്തുന്ന നായ, പശു തുടങ്ങിയ ജീവജാലങ്ങളെല്ലാം മെലി ഞ്ഞു തളര്‍ന്ന ചാവാലികളാണ്. ഒരു ദരിദ്രകുടുംബത്തിന്റെ ആവിഷ്കാരത്തി നിടയ്ക്ക് അവിടെ വളരുന്ന പശുവും പട്ടിയുമെല്ലാം എങ്ങനെയായി രിക്കണം എന്നതിനെക്കുറിച്ചും സംവിധായകന്‍ ബോധവാനാണ്.
ദുര്‍ഗ്ഗ, അപു, സര്‍വ്വജയ എന്നിവരടങ്ങുന്ന ഹരിഹറിന്റെ കുടുംബത്തിലേയ്ക്കാണ് സിനിമ കേന്ദീകരിക്കപ്പെ ടുന്നത്. പിഷി എന്ന മുത്തശ്ശിയും സിനിമയുടെ ആദ്യഭാഗത്തിനു മിഴിവേകുന്നതില്‍ പ്രധാന പങ്കുവഹിക്കുന്നു.
പ്രകൃതിയുടെ താളങ്ങളെ, തുടിപ്പുകളെ, ശരീരവും മനസ്സും കൊടുത്ത് അനുഭവിക്കാന്‍ കുട്ടികള്‍ക്കേ കഴിയൂ. ദുര്‍ഗ്ഗയും അപുവും പ്രകൃതിയെ അറിഞ്ഞവരാണ്. പഞ്ചേന്ദ്രിയങ്ങളിലൂടെ അവര്‍ ചുറ്റുപാടുകളെ മനസ്സി ലാക്കുന്നു. പുളിയും ഉപ്പും ചേര്‍ത്ത് ദുര്‍ഗ്ഗയുണ്ടാക്കുന്ന രുചി, മഴ നനഞ്ഞ് നൃത്തംചെയ്യുന്ന ദുര്‍ഗ്ഗ, ടെലിഫോണ്‍ കാലിലെ മുരളല്‍, അത്ഭുതവും കൌതുകവും നിറഞ്ഞ തീവണ്ടിക്കാഴ്ച... എത്രയെത്ര അനുഭവങ്ങള്‍! കണ്ടും കേട്ടും രുചിച്ചും അവര്‍ അന്തരീക്ഷവുമായി ലയിച്ചുകഴിഞ്ഞിരിക്കുന്നു. ഐ.ഷണ്‍മുഖദാസിന്റെ പഠനത്തില്‍ ഇങ്ങനെ പറയുന്നു:"ദുര്‍ഗ്ഗ രുചിച്ചും കേട്ടും തൊട്ടും അറിയുന്നു. അപുവിന്റെ ലോകത്തിലാകട്ടെ കാഴ്ച യ്ക്കാണ് പ്രാമുഖ്യം കൊടുക്കുന്നത്." ഇതേ അഭിപ്രായപ്രകടനംതന്നെ ലെര്‍നര്‍ എന്ന അമേരിക്കന്‍ നിരൂപകനും നടത്തി. "തൊട്ടിയില്‍ കിടക്കുന്ന അപുവിന്റെ കണ്ണുകള്‍ ദുര്‍ഗ്ഗ തുറക്കുന്ന ഒരു ദൃശ്യം സിനിമയിലുണ്ട്. അപുവിന്റെ കന്നി അനുഭവങ്ങളുടെ ഒരു പരമ്പരയാണ് അവതരിപ്പിക്കപ്പെടുന്നത് എന്നതിന്റെ സൂചനയാണ് ഇത്."
രണ്ടഭിപ്രായങ്ങളും മാനിക്കാവുന്നതാണ്. എന്നാല്‍ അപുവിന്റെ കന്നി അനുഭവങ്ങളുടെ പരമ്പര ആരംഭി ക്കുന്നത് ദുര്‍ഗ്ഗയിലൂടെയാണ്. യഥാര്‍ത്ഥത്തില്‍ റായ് അവതരിപ്പിക്കുന്ന അപു ദുര്‍ഗ്ഗയിലൂടെയാണ് അനുഭവി ക്കുന്നതും വളരുന്നതും ജീവിക്കുന്നതുമെല്ലാം. അപുവിന്റെ കണ്ണു തുറക്കുന്നത് പ്രതീകാത്മകമാവാം. പിന്നീടുള്ള എല്ലാ ദൃശ്യങ്ങളിലും ദുര്‍ഗ്ഗ അപുവിനോടൊപ്പമുണ്ട്. പുളിയും ഉപ്പും ചേര്‍ത്തുണ്ടാക്കിയ രുചിക്കൂട്ട് ദുര്‍ഗ്ഗ അപുവിന് കൈമാറുന്നു, ടെലിഫോണ്‍കാലില്‍നിന്നുള്ള മുരളലിന് ദുര്‍ഗ്ഗ കാതോര്‍ക്കുന്നതുകാണുമ്പോള്‍ അപു വും അതനുകരിക്കുന്നു. മഴ നനയുമ്പോള്‍ ദുര്‍ഗ്ഗ അപുവിനേയും തന്റെ നനഞ്ഞ സാരിക്കടിയിലേക്ക് ചേര്‍ത്തു പിടിക്കുന്നു. അങ്ങനെ താനനുഭവിക്കുന്ന ഓരോ അനുഭൂതിയും അവള്‍ അപുവിന് പകരുന്നുണ്ട്. അതുകൊണ്ട് അപുവിന്റെ കന്നി അനുഭവങ്ങളുടെ പരമ്പരയാണ് അവതരിപ്പിക്കുന്നത് എന്നതിലുപരി ദുര്‍ഗ്ഗയിലൂടെയാണ് അപുവിന്റെ അനുഭവങ്ങള്‍ വളരുന്നത് എന്ന സൂചനയായി ആ ദൃശ്യത്തെ വിലയിരുത്തിക്കൂടെ?
പഥേര്‍പാഞ്ചാലിയിലെ സംഗീതം ശ്രദ്ധേയമാണ്. പണ്ഡിറ്റ് രവിശങ്കര്‍ തീര്‍ത്ത സുന്ദരമായ ആ ഗീതം പാത യുടെ ഗീതംതന്നെയാണെന്ന് തോന്നിപ്പോകും. മുമ്പ് പറഞ്ഞതുപോലെ ഇന്ദ്രിയാനുഭവങ്ങള്‍ പഥേര്‍ പാഞ്ചാലി യുടെ ഒരു മുഖ്യസവിശേഷതയാണ്. ഒരു സിനിമക്ക് അതിന്റെ കാഴ്ചക്കാരനില്‍ ഉളവാക്കാവുന്ന അനുഭവം കാഴ്ച, കേള്‍വി ഏറിപ്പോയാല്‍ മനസ്സില്‍ ഒരു സ്പര്‍ശം അത്രമാത്രം. മണവും രുചിയും അതിനു പകരാനാ വില്ല. അതുകൊണ്ട് തനിക്കു സാദ്ധ്യമെന്നുകണ്ട കാഴ്ചയും കേള്‍വിയും പരമാവധി സുന്ദരമാക്കാന്‍ റായ് ശ്രമിച്ചിട്ടുണ്ട്. അതിന്റെ വ്യക്തമായ ഉദാഹരണമാണ് രവിശങ്കറിന്റെ സംഗീതം.

പശ്ചാത്തലസംഗീതം പലപ്പോഴും പ്രകടമാണെങ്കില്‍ക്കൂടി ചില സാഹചര്യ ങ്ങളില്‍ പിഷിയുടെ പാട്ടും സര്‍വ്വജയയുടെ ശകാരങ്ങളും മഴയുടെ മുരളലും പശ്ചാത്തലത്തില്‍ നിറഞ്ഞുനില്‍ക്കുന്നു. പിഷിയുടെ മരണ രംഗത്ത് രവിശങ്ക റിന്റെ സംഗീതത്തേക്കാള്‍ പിഷിയുടെ ദുഃഖഗാനത്തിന് അനുവാചകഹൃദയത്തെ തൊടാനാ വുമെന്ന് റായ് കണ്ടെത്തിയിരിക്കുന്നു.
ഒരു സാഹിത്യകൃതി സിനിമയാവുന്നത് ഇന്നു നമുക്കു പരിചിതമാണ്. മതി ലുകള്‍, എന്ന് സ്വന്തം ജാനകി ക്കുട്ടി, തുടങ്ങി എത്രയോ സിനിമകള്‍ മലയാളത്തില്‍ത്തന്നെ വന്നിരിക്കുന്നു. എ ന്നാല്‍ പഥേര്‍ പാഞ്ചാലി പുറ ത്തിറങ്ങുമ്പോള്‍ അത്തരമൊരുരീതി സാര്‍വ്വത്രികമല്ലായിരുന്നു. ഒരു കൃതിയെ സിനിമയാക്കുമ്പോള്‍ സംവിധാ യകന് തന്റേതായ ചെറിയ മാറ്റംവരുത്തലുകള്‍ക്കുള്ള സ്വാതന്ത്ര്യമുണ്ട്. ആ സ്വാതന്ത്ര്യത്തെ പ്രയോജനപ്പെടു ത്തിയവര്‍ വളരെ ചുരുക്കമാണ്. മലയാളസിനിമകള്‍തന്നെ പരിശോധി ച്ചാല്‍മതി. രചയിതാവ് കണ്ടതിലും അപ്പുറത്തുള്ള ഒരു ലോകത്തെ വിഭാവനം ചെയ്ത് ദൃശ്യവല്‍ക്കരി ച്ചെടുക്കാന്‍ അധികമാരും മെനക്കെട്ടിട്ടില്ല. എന്നാല്‍ റായ് ആ സ്വാതന്ത്ര്യത്തെ പരമാവധി മുതലെടുത്തിട്ടുണ്ട്. വിഭൂതിഭൂഷണ്‍ കണ്ട നിശ്ചിന്ദപുരം ഗ്രാമമോ അപുവോ ദുര്‍ഗ്ഗയോ അല്ല നാം സിനിമയില്‍ കാണുന്നത്. താന്‍ ദൃശ്യവത്കരിക്കാനുദ്ദേശിക്കുന്ന ഓരോ രംഗങ്ങളെക്കുറിച്ചും അവയുടെ പശ്ചാത്തലത്തെക്കുറിച്ചും അതു കാണികളില്‍ സൃഷ്ടിക്കുന്ന മാനസികാന്തരീക്ഷത്തെക്കുറിച്ചും റായ് ബോധവാനാണ്.
പഥേര്‍പാഞ്ചാലി എന്ന നോവലില്‍ അപുവിനാണ് മുന്‍തൂക്കം. അപുവിന്റെ ലോകം വിശാലമാണ്. അച്ഛ നോടൊത്തു നടത്തുന്ന യാത്രകള്‍, നാടകം കാണുന്നതുവഴി പരിചയപ്പെടുന്ന അജയന്‍ എന്ന കൂട്ടുകാരന്‍, വിദ്യാ ഭ്യാസം.. അങ്ങനെ അപുവിന് കഥയില്‍ പ്രാധാന്യമേറെയാണ്. ദുര്‍ഗ്ഗയുടെ ലോകം ചെറുതാണ്. യഥാര്‍ത്ഥ ത്തില്‍ ദുര്‍ഗ്ഗയുടെ മരണശേഷം കഥ പൂര്‍ണ്ണമായും അപുവില്‍ കേന്ദ്രീകരിക്കപ്പെടുന്നുണ്ട്. എന്നാല്‍ സിനിമ പ്രാമുഖ്യം കൊടുക്കുന്നത് ദുര്‍ഗ്ഗയിലേക്കാണ്. മുമ്പു പറഞ്ഞതുപോലെ ദുര്‍ഗ്ഗയിലൂടെയാണ് അപു വളരുന്നത്. അമ്മയോടും അച്ഛനോടുമൊപ്പമുള്ള അപുവിന്റെ ഒരുപാടു രംഗങ്ങള്‍ കഥയിലുണ്ടെങ്കില്‍ക്കൂടി സിനിമയില്‍ കാണില്ല. അപുവിനെ അവരില്‍നിന്നെല്ലാം ഒഴിവാക്കി ദുര്‍ഗ്ഗയിലേക്കു കേന്ദ്രീകരിക്കാനും അവനെ കൂടുതല്‍ പ്രകൃതിയോടു ഇണക്കി ചിത്രീകരിക്കാനും റായ് ശ്രദ്ധിച്ചിരിക്കുന്നു. ദുര്‍ഗ്ഗയുടെ മരണം സിനിമയില്‍ കാറ്റും കോളും നിറഞ്ഞ ഒരു ഭയാനകരാത്രിയിലാണ്. എന്നാല്‍ കഥയില്‍ ഒരു പകല്‍ പത്തുമണിയോടുകൂടിയാണ് അവളുടെ മരണം. പതിവിനുവിപരീതമായി അന്ന് വെയിലിന്റെ ലക്ഷണം കണ്ടതായി പ്രത്യേകം ഒരു സൂചന നല്‍കുന്നുമുണ്ട്.ദുര്‍ഗ്ഗയും പ്രകൃതിയും തമ്മിലുള്ള ബന്ധത്തെ വിലയിരുത്തി അവളുടെ മരണരംഗത്തുപോലും പ്രകൃതിയുടെ സാന്നിദ്ധ്യം അനിവാര്യമാണെന്ന ചിന്താഗതിയായിരിക്കണം റായിയെ ഇത്തരമൊരു ചിത്രീകര ണത്തിന് പ്രേരിപ്പിച്ചത്. മാത്രമല്ല, കഥയില്‍ ദുര്‍ഗ്ഗയുടെ മരണകാരണം മലമ്പനിയാണെന്നു വ്യക്തമാക്കുന്നുണ്ട്. എന്നാല്‍ സിനിമയില്‍ അത് അവ്യക്തമാണ്. മഴയാണോ ദാരിദ്ര്യമാണോ എന്താണു മരണകാരണമെന്ന് റായ് സ്പഷ്ടമാക്കുന്നില്ല. മഴയത്തു ദുര്‍ഗ്ഗ നൃത്തംചെയ്യുന്ന രംഗം സിനിമയില്‍ ഏറെ ശ്രദ്ധിക്കപ്പെട്ട ഒന്നാണ്. തെന്റെ കൂട്ടുകാരികള്‍വിവാഹിതരാകുമ്പോള്‍ അവളില്‍ ജനിക്കുന്ന മോഹങ്ങളും കള്ളീ എന്ന വിളിപ്പേരു സൃഷ്ടിക്കു ന്ന വേദനയും എല്ലാം അവളാ മഴയില്‍ കുതിര്‍ത്തിയിരിക്കണം. അവളുടെ വിഷമങ്ങള്‍പങ്കുവെച്ച മഴ പിറ്റേന്നു ശക്തിയായി വന്ന് അവളുടെ ആത്മാവുമായി മാഞ്ഞുപോകുകയും ചെയ്തിരിക്കണം. ശാരീരി കമായ ഒരാന ന്ദം മാത്രമല്ല, സ്വന്തം ആത്മാവിന്റെ ഏറ്റുപറച്ചിലാണ് മഴയത്തുള്ള ദുര്‍ഗ്ഗയുടെ നൃത്തം. അതു കൊണ്ടുതന്നെ മഴയ്ക്ക് അവളുടെ മരണവുമായി അഭേദ്യമായബന്ധമുണ്ടെന്നുംവേണമെങ്കില്‍വ്യാഖ്യാനിക്കാം.

ദുര്‍ഗ്ഗ എന്ന കഥാപാത്രത്തെ കഥയിലും സിനിമയിലും വേറെവേറെയെടുത്ത് പരിശോധിക്കാവുന്നതാണ്. കഥയില്‍ ദുര്‍ഗ്ഗ ഒരു മരംകേറിപ്പെണ്ണാണ്. അവളുടെ മോഷണശ്രമങ്ങളും പിടിക്കപ്പെടലുകളും വളരെ വിശദ മായിത്തന്നെ രചയിതാവ് വിവരിക്കുന്നു. എന്നാല്‍ സിനിമയില്‍ ദുര്‍ഗ്ഗയുടെ മോഷണത്തെക്കുറിച്ചുള്ള അയല്‍ക്കാരുടെ പരാമര്‍ശങ്ങളല്ലാതെ മോഷണശ്രമങ്ങളോ പിടിക്കപ്പെടലുകളോ ചിത്രീകരിച്ചിട്ടില്ല. അതായതു ദുര്‍ഗ്ഗയെ മനഃപൂര്‍വ്വം ഒരു കള്ളിയാക്കിമാറ്റാന്‍ സംവിധായകന്‍ ആഗ്രഹിക്കുന്നില്ല. അതിനു വ്യക്തമായ ഉദാ ഹരണമാണ് ടുനു എന്ന കൂട്ടുകാരിയുടെ മാല കട്ടെടുത്തെന്ന ആരോപണവും തുടര്‍ന്നുള്ള സംഭവവികാസ ങ്ങളും. കഥയില്‍ ദുര്‍ഗ്ഗ അവിടെവെച്ചുതന്നെ കുറ്റസമ്മതം നടത്തി ശിക്ഷ അനുഭവിക്കുന്നുണ്ട്. എന്നാല്‍ സിനിമ യില്‍ അവളുടെ കുറ്റം അവിടെവെച്ചു തെളിയിക്കാന്‍ അയല്‍ക്കാര്‍ക്കു സാധിക്കുന്നില്ല. ദുര്‍ഗ്ഗയുടെ മരണശേഷം ആ മാല അപു കുളത്തിലേക്കു വലിച്ചെറിയുകയും പായല്‍ വന്ന് അതു മൂടുകയും ചെയ്യുന്നു. അവളുടെ കളവ് എന്നും മറച്ചുവെക്കാനാണ് സംവിധായകന്‍ ശ്രമിക്കുന്നത്.
കഥയില്‍ ശ്രദ്ധേയമായ പല രംഗങ്ങളും ദൃശ്യവത്കരിക്കപ്പെട്ടു കാണുന്നില്ല. സിനിമയിലെ പല രംഗങ്ങ ള്‍ക്കും കഥയിലുള്ളതിനേക്കാള്‍ വൈകാരികാനുഭവങ്ങള്‍ അനുവാചകനിലേക്കെത്തിക്കാന്‍ സാധിച്ചിട്ടുമുണ്ട്. ഇങ്ങനെ വിശകലനംചെയ്യുമ്പോള്‍ നോവല്‍ സൃഷ്ടിക്കുന്ന അന്തരീക്ഷത്തില്‍നിന്നും സ്പഷ്ടമായ വ്യതിയാനം സിനിമയിലുണ്ടെന്നു വ്യക്തമാകും. രണ്ടു മാധ്യമങ്ങള്‍ എന്ന പരിമിതിയുടേതല്ല ആ വ്യത്യാസമെന്നതും പ്രകടമാണ്.
ദാരിദ്ര്യമെന്ന യാഥാര്‍ത്ഥ്യം, അന്ധമായ ദൈവവിശ്വാസം, ഇവ തമ്മിലുള്ള വൈരുദ്ധ്യത്തെ സിനിമ പല സന്ദര്‍ഭത്തിലും വിശകലനം ചെയ്യുന്നുണ്ട്. ദുര്‍ഗ്ഗയുടെ മരണശേഷം അച്ഛന്‍ കൊണ്ടുവരുന്ന ലക്ഷ്മീദേവിയുടെ ചിത്ര വും മഴയത്ത് ദുര്‍ഗ്ഗ മരണമടയുമ്പോള്‍ ക്യാമറ കേന്ദ്രീകരിക്കുന്ന ഗണപതിവിഗ്രഹ ങ്ങളും അതിന്റെ ചില പ്രതീകങ്ങളായിരിക്കണം. പിഷി എന്ന മുത്തശ്ശിയെ ഒഴിവാ ക്കിക്കൊണ്ട് പഥേര്‍പാഞ്ചാലിയെ പരിശോധിക്കുക അസാദ്ധ്യമാണ്. ആദ്യമായി അഭി നയിക്കുകയാണെന്ന് തോന്നുകയില്ലെന്നുമാത്രമല്ല, അവര്‍ ജീവിക്കുകയാണെന്ന് തെറ്റിദ്ധരി ക്കപ്പെടുക പോലും ചെയ്യുന്നു. വൃദ്ധരും കുട്ടികളും തമ്മിലുള്ള ബന്ധം പിഷിയിലൂടെ സംവിധാ യകന്‍ സാധിച്ചെടുക്കുന്നു. പിഷിയുടെ പിണക്കവും വീടുവിട്ടിറങ്ങലും തിരി ച്ചുവരവു മെല്ലാം കുട്ടികളുടെ കുസൃതിയെ ഓര്‍മ്മിപ്പിക്കും വിധമാണ്. വാര്‍ദ്ധക്യത്തി ന്റെ തളര്‍ച്ച യും ബാല്യത്തിന്റെ വളര്‍ച്ചയും ഒരുപോലെ ചിത്രീകരിക്കാന്‍ സാധിച്ച തില്‍ റായ് വിജയിച്ചിരിക്കുന്നു.
ദാരിദ്ര്യം, പ്രകൃതി, ബാല്യം, ജീവിതം തുടങ്ങി പഥേര്‍പാഞ്ചാലി ചര്‍ച്ചചെയ്യുന്ന വിഷ യങ്ങള്‍ ഏറെയാണ്. എന്നാല്‍ ഇവയ്ക്കെല്ലാം പുറമെ സിനിമ പകരുന്ന അവാച്യമായ അനുഭൂതിയാണ് പഥേര്‍പാഞ്ചാലിയുടെ വിജയം.

ചലച്ചിത്ര സെമിനാര്‍-കൂടുതല്‍ ചിത്രങ്ങള്‍

2009-02-01T09:23:00.000+05:30

കാണി ഫിലിം സൊസൈറ്റിയുടേയും കേരളാഗ്രന്ഥശാലാസംഘത്തിന്റേയും ആഭിമുഖ്യതില്‍ ജനുവരി25,26 തിയ്യതികളില്‍ ന്നടത്തിയ ചലചിത്ര പ്രദര്‍ശനത്തിന്റേയും സെമിനാറിന്റെയും കൂടുതല്‍ ചിത്രങ്ങള്‍:
ടി.പി.ശങ്കരന്‍ നമ്പൂതിരി പി.എം.കൃഷ്ണകുമാര്‍

എം.സി.രാജനാരായണന്‍
പി.വി.പ്രകാശന്‍
ഡോ.വി.മോഹനകൃഷ്ണന്‍

ആലങ്കോട് ലീലാകൃഷ്ണന്‍

അവാര്‍ഡ് ജേതാക്കള്‍ക്ക് സ്വീകരണം-കൂ‍ടുതല്‍ ചിത്രങ്ങള്‍

2008-11-02T11:20:00.000+05:30

സ്വാഗതം:വി.മോഹനകൃഷ്ണന്‍

അദ്ധ്യക്ഷത:പി.രാജഗോപാലമേനോന്‍.

പ്രിയനന്ദനന് ഉപഹാരം:വി.കെ.ശ്രീരാമന്‍.

പ്രിയനന്ദനന്‍.

റ്ഫീക് അഹമ്മതിന്ഉപഹാരം:പരത്തുള്ളി രവീന്ദ്രന്‍.

പരത്തുള്ളി രവീന്ദ്രന്‍.

റഫീക് അഹമ്മത്

എം.ജി.ശശിക്ക് ഉപഹാരം:പി.എം.കൃഷ്ണകുമാര്‍.

എം.ജി.ശശി.

ജി.പി.രാമചന്ദ്രന് ഉപഹാരം:എം.സി.രാജനാരായണന്‍.

എം.സി.രാജനാരായണന്‍.

നന്ദി:സോമന്‍ ചെമ്പ്രേത്ത്

സദസ്സ്

ഭരത് ഗോപി അനുസ്മരണം

2008-11-01T19:46:00.000+05:30

2008 ഫെബ്രുവരി24ന് നടന്ന ഭരത് ഗോപി അനുസ്മരണം.ശ്രീ.അന്‍ വര്‍ അലി അനുസ്മരണപ്രഭാഷണം നടത്തുന്നു.

ബര്‍ഗ് മാന്‍ അന്റോണിയോണി അനുസ്മരണം

2008-11-01T19:35:00.000+05:30

2007സെപ്തംബര്‍22ന് നടന്ന ബര്‍ഗ് മാന്‍ അന്റോണീയോണി അനുസ്മരണം.ശ്രീ.സി.എസ്.വെങ്കിടേശ്വരന്‍ അനുസ്മരണ പ്രഭാഷണം നടത്തുന്നു.

പഥേര്‍പാഞ്ചാലി :പാഠവും പഠനവും

2008-11-01T19:23:00.000+05:30

2007 നവംബര്‍ 10ന് ചങ്ങരം കുളം കൃഷ്ണാമൂവീസില്‍ വെച്ചുനടന്ന പഥേര്‍ പാഞ്ചാലി പ്രദര്‍ശനത്തിനു ശേഷം ശ്രീ.ഐ.ഷണ്മുഖദാസ് വിദ്യാര്‍ത്ഥികളോട് സംസാരിക്കുന്നു.

തിരക്കഥാ ശില്പ ശാല

2008-11-01T19:06:00.001+05:30

കാണി വാര്‍ഷികത്തോടനുബന്ധിച്ച് നടത്തിയ തിരക്കഥാ ശില്പശാല വി.കെ ശ്രീരാമന്‍ ഉദ്ഘാടനം ചെയ്യുന്നു.

വേദിയില്‍:കെ.എ.മോഹന്‍ ദാസ്,ആലങ്കോട് ലീലാകൃഷ്ണന്‍,വി.മോഹനകൃഷ്ണന്‍

ഫുട് ബോള്‍ ചലച്ചിത്ര മേള

2008-11-01T18:51:00.000+05:30

കാണി ഫിലിം സൊസറ്റിയുടെ ആഭിമുഖ്യത്തില്‍2006ജൂലായ്3മുതല്‍9വരെ നടന്ന ഫുട്ബോള്‍ ചലച്ചിത്ര മേള

ശ്രീ.ചെറിയാന്‍ജോസഫ് സംസാരിക്കുന്നു.വേദിയില്‍:യു.ഷറഫലി,മധുജനാര്‍ദ്ദനന്‍..

കാണി വാര്‍ഷികം-ദൃശ്യങ്ങള്‍

2008-10-30T21:25:00.000+05:30

കാണി ഫിലിം സൊസൈറ്റിയുടെ വാര്‍ഷികാഘോഷ പരിപാടികള്‍ 2006 മെയ്21ന് മൂക്കുതല ജി.എല്‍.പി സ്കൂളില്‍ വെച്ചു നടന്നതിന്റെ ദൃശ്യങ്ങള്‍:

എം.ടി.വാസുദേവന്‍ നായര്‍,‘നിര്‍മ്മാല്യം‘എന്നചിത്രത്തിലെവെളിച്ചപ്പാട് എന്നിവരുടെ ചിത്രം വരച്ചുകൊണ്ട് ആര്‍ട്ടിസ്റ്റ് നന്‍പൂതിരി ഉദ്ഘാടാനം നിര്‍വഹിക്കുന്നു.

എല്‍.സി.ഡി പ്രൊജക്ടര്‍ സ്വിച്ച് ഓണ്‍ കര്‍മ്മം പ്രിയനന്ദനന്‍ നിര്‍വഹിക്കുന്നു.

സദസ്സില്‍:മധുഎറവങ്കര,ആര്‍ടിസ്റ്റ്നന്‍പൂതിരി,ഐ.ഷണ്മുഖദാസ്,പ്രിയനന്ദനന്‍,ആലങ്കോട് ലീലാകൃഷ്ണന്‍

ദൈവനാമത്തില്‍ പ്രദര്‍ശനവും ചര്‍ച്ചയും

2008-10-30T13:33:00.000+05:30

കാണി ഫിലിം സൊസൈറ്റിയുടെ ആഭിമുഖ്യത്തില്‍2005ആഗസ്ത്14ന് “ദൈവനാമത്തില്‍” എന്ന ചിത്രത്തിന്റെ പ്രദര്‍ശനവും തുടര്‍ന്ന് സംവാദവും നടന്നു.ആര്യാടന്‍ഷൌക്കത്ത്,എം.സി.രാജനാരായണന്‍,ആലങ്കോട് ലീലാകൃഷ്ണന്‍,പാലക്കീഴ് നാരായണന്‍,മുഹമ്മത് കുട്ടി എന്നിവര്‍ പങ്കെടുത്തു.